夏日之選---冷製 PASTA with 牛油果吞拿魚

意粉煮成半熟後置於鍋中浸軟,
此時預備配料:
牛油果去皮去核切粒粒,
吞拿魚攪碎, 粟米粒隔水,
取出意粉用凍水冷卻
完成後將所有材料放意粉上,
加少量蒜油, 黑椒, 香草, 蛋黃醬調味.

牛油果好有益架!
牛油果降膽固醇
牛油果的脂肪屬靚脂肪

隨意粥

洗米後用水加少許油浸米1小時
水滾後加米, 大火煲約30分鐘
加材料再中火煲
今次加了吃剩的蝦,冬菇和粟米(有點九唔搭八)
煲至粥身綿, 可熄火加蓋焗,
令材料更出味

points!!
1. 肉類材料先用鹽胡椒粉醃
2. 用深的煲, 以防滾粥彈出
3. 用大火, 不用加煲蓋, 用大火防止痴底.
4. 途中如太杰身可加適量滾水
5. 最後加鹽調味

蒜蓉多士

一匙罐裝蒜蓉與一匙牛油攪勻,
豬仔包切塊, 塗上適量牛油蒜蓉,
灑少量香草, 多士爐焗4/5分鐘.

超懶醉雞翼

雞翼十二隻解凍
雞翼下滾水煮15至20分鐘,
或至兩端雞骨突出.
取出雞翼快速放入冰水中.
以凍水沖至冷卻
待涼後放入深的容器排好,
以醉雞汁浸過雞翼面(大約一支),
放雪櫃浸過夜,
途中可翻轉雞翼令味道均勻.
吃時取出即可.
(醉雞汁可環保地再用一次!)

牛油果蝦仔春卷

蝦洗淨灼熟剝殼.
牛油果切粒加蛋黃醬拌勻
用春卷皮包好中火炸至金黃色.

零技術,
不過下次春卷要包實 D